الجمعة، 7 سبتمبر، 2012

حوار مع بنات الوادي الجديد حول قضية التحرش


عملت حوار مع 3 بنات من الوادي الجديد حول قضية التحرش وإيه رد فعلهن لو شاب اتحرش بيهم ( بالمناسبة البنات كلهن تعليم عالي ) وكان ردهن كالتالي :

الحوار مع  البنت الاولي

- لو واحد اتحرش بيكي حتعمليله محضر في القسم ؟؟

- لا طبعًا هو انا هفضح نفسي .

- وهتسيبي حقك يضيع ؟؟

- يعني انا هعرفه إزاي ؟؟ وأروح اقولهم ايه ؟؟ واوصفهلهم  ازاي ؟؟

________________________________________________

الحوار مع البنت التانية

كانت مكسوفة تتكلم عن قضية التحرش ، أنا أخذ المباردة وبدأت بالكلام ؛

- انت مكسوفة تقولي التحرش ؟؟

-  يعني ؛ بس فعلًا إحنا ممكن نتكلم كبنات ف الموضوع ده بشكل عام بس عمر ما      واحدة هتقدر تقول حصل معاه او لأ لأنه موضوع محرج جدًا لأي حد .

-  اللي تتحرج تبلغ انه اتحرش بيها يبقي تستاهل اللي يحصلها زي اللي بيضّرب علي قفاه ويسكت هيضّرب تاني وتالت لحد ما يأخذ موقف محدش حيضربه تاني .

-  بس هتبلغ عن ايه عن حد متعرفش شكله ولو بلغت هيحصل ايه ، هيا اللي هتبقي غلطانة وهيطلعوا العيب فيها .

 - اديكي مثال احسن : نفترض عيال اغتصبوا واحدة وهي مبلّغتش واتجوزت حتقول ايه لجوزها ليلة الدخلة ؟؟

  -  في فرق بين اغتصاب وتحرش ، التحرش دي حاجة بتاخدها ف نفسها وتسكت وتشيلها جواها ممكن توصلها لمرحة نفسية وحشة ، بس التانية مينفعش يتسكت عليها

  -  هو أنا لو اتحرشت بيكي هتعملي إيه ؟؟

 -  مش عارفة مش هاقدر اعمل حاجة لإن الموقف هيكون صعب عليا ومش هعرف اتصرف .

  -  لا نفترض كنا واحنا في حمام السباحة اتحرشت بيكي هتعملي إيه ؟

  - معرفش بجد بس ممكن اضرب ,

_______________________________________________

 الحوار مع البنت التالتة


  - هو لو واحد اتحرش بيكي حتعمليله ايه ؟؟

  - مش هخليه يقرب مني اصلًا .

  - نفترض عرف ووصلك ؟؟

  -  هديله بالقلم قبل ما يعمل حاجة .

  -  نفترض قدر واتحرش ؟؟

  - هضربه في الشارع .


  -  طب هتعمليله محضر في القسم ؟؟

  -  طبعا

_____________________________________
لمتابعتي
 
Comments
0 Comments

‏ليست هناك تعليقات:

إرسال تعليق